Det finnast masse gratis programvare på nettet. Her vil du finne noko av det eg synest er verdt å laste ned, og som eg sjølv nyttar jamnleg. Det meste av dette er program for Windows.
- DivX
- Med DivX kan du få fullskjermsfilmar på 90 minutt inn på ein CD. Dette videokomprimeringsformatet er laga for å lettare kunne flytte videofiler over internett. Med nedlastinga får du videokodek og spelaren DivX Player.
- Eudora
- Eudora er rett og slett eit e-postprogram. For meg som ikkje er så glad i datavirus som spreiar seg ved hjelp av e-post, så er dette eit flott program. Gratisutgåva blir finansiert med reklame.
- GIMP
- GIMP står for GNU Image Manipulation Program og er eit gratisprogram for bilethandsaming. Dette er eit av dei beste alternativa til Adobe Photoshop.
- HTML-kit
- Programmet eg har nytta for å skrive heimesida mi er HTML-kit frå Chami.com. Med dette programmet følgjer HTML Tidy, og støttar ulike skriptspråk i tillegg til HTML. HTML-kit kan óg byggjast ut med fleire nyttige funskjonar og hjelpemiddel.
- IrfanView
- Med dette programmet kan du sjå på og konvertere bilete. IrfanView startar raskt og støttar fleire ulike filformat både for bilete og video. Du kan óg vise bilete med lysbiletefunksjonen.
- Mozilla
- 5. juni 2002 kom endeleg Mozilla sin nettlesar i versjon 1.0. Utviklinga av denne nettlesaren basert på open kjeldekode har pågått sidan 1998 og har resultert i ei av dei mest komplette nettlesarane tilgjengelege i dag.
- Notetab Light
- Ei god og gratis erstatning for Notisblokka i Windows, er NoteTab Light. Ein del fleire funskjonar enn den stakkarslege blokka, mellom anna MDI og ulike utklippsbibliotek for automatisk innsetjing av ord, taggar, smilefjes o.l.
- Ogg Vorbis
- Bak dette rare namnet skjular det seg eit nytt lydkomprimeringsformat, som i motsetjing til MP3, WMA og andre, er gratis, patentfri og opent.
Kodeket er framleis i utviklingsstadiet, men prøveutgåver kan lastast ned.
- Open Office
- Den mest seriøse utfordraren til Microsoft Office er StarOffice. No har kjeldekoden blitt frigjort og resultert i open kjelde-prosjektet OpenOffice.org. Denne programpakken inneheld teksthandsaming, rekneark, teikneprogram og presentasjonsprogram. Den kan lese Office-filer og er gratis!
- Opera
- Nettlesaren Opera er laga i Noreg(!) og har hevda seg i konkurranse med store aktørar som Microsoft og Netscape. Denne nettlesaren støttar dei fleste gjeldande standardar for innhald på verdsveven. Gratisutgåva blir finansiert med reklame.
- Player
- Dette er den ultimate CD-spelaren for Windows. Den har støtte for fleire stasjonar, CDDB2, cdplayer.ini og du kan knyte bilete av coveret til dei ulike CD-ane. I tillegg kan du kopiere sangar frå CD til harddisken i PCM WAV- eller OGG Vorbis-format.
- UltimateZip
- Eit filkomprimeringsprogram som er nesten identisk med WinZip, bortsett frå på eit viktig punkt: UltimateZip er gratis!
- WinAmp
- Winamp er ein populær MP3-spelar, som óg kan spele andre filformat, mellom anna Ogg Vorbis
(med plugin). I tillegg følgjer det med mange artige, nyttige og mindre nyttige funksjonar.