Fredag 05. September, 2003
Etter litt om og men og fram og tilbake, har eg noko teke steget heilt ut. No er den berbare datamaskina mi blitt ein dedikert Linux-boks. Borte er Windows XP, no er det Red Hat 9 som regjerer harddisken.
Det var etter dagens lille innføring i Linux-installasjon på skulen at eg bestemte meg for å prøve dette igjen. Har frå før av hatt både Windows og Mandrake Linux på maskina, men var ikkje heilt nøgd med Mandrake sin måte å spre programvare utover harddisken på, og så sakna eg ein del funksjonar som ikkje var støtta av Linux.
No er eg ikkje sikker på om dette blir noko betre. Eg er jo etter kvart blitt bortskjemd av alle automagiske dippeduttar i frå Windows og er smerteleg klar over at ikkje alt vil vere like enkelt med Linux. Men eg har no gitt denne distribusjonen ein prøveperiode på ein til to månader, så får vi sjå … Eg er storfornøgd om eg klarer å få fiksa Samba slik at eg kan hente filer og bruke skrivaren på den stasjonære maskina heime.
Men det ser bra ut enn så lenge.
Av: Kyrre Baker, 06. September 2003, kl. 06.22
Er det lov å spørre hvilket merke og hvilken modell den bærbare er? Og. Kanskje i samme sleng; hvordan forløp installasjonen?
Av: Chris, 06. September 2003, kl. 19.17
Datamaskina er ein Dell Inspiron 4150. Og installasjonen gjekk komplikasjonsfritt. Vel, eg prøvde den grafiske installasjonen eit par gonger, men denne stoppa opp grunna ein feil. Så ved tredje forsøk valde eg tekstbasert installasjon. Dette gjekk strålande.
No har eg fiksa deling av skrivar og laga eit par skript som monterer dei delte partisjonane på den stasjonære maskina når eg er heime.
Av: Øyvind Hoven Oftedal, 08. September 2003, kl. 01.44
Jeg kjører SuSE 8.2 Prof. på en bærbar HP ZE4204s, og det går som en drøm. Inntil videre riktignok sammen med XP, men jeg sysler stadig med tanken om å konvertere til Linux.