Lørdag 26. April, 2003
Ein hang etter søtsaker gjorde at eg måtte fikse ein dessert av eit eller anna slag. Vi hadde eit par-tre epler liggjande, så etter eit kjapt søk på verdsveven, fann eg nokre oppskrifter som eg kombinerte og gjorde min eigen lille vri på. Den endelege oppskrifta vart slik:
Set ovnen på 200 °C. Skrell og del eplene i båtar, ta ut kjernene. Smør ei eldfast form med smør, og legg eplebåtane utover botnen. Strø litt kanel og brunt sukker over.
Ha sukker og mel i ein bolle og smuldre inn smør/margarin. Etter kvart har du ei kornete masse som kan fordelast over eplene. Ein kan gjerne klappe eller glatte ut deigen som ligg oppå eplene, men ikkje for mykje.
Steik paien i midt i ovnen i 20-30 minutt, til den er gylden på toppen. Lat eplepaien kvile litt og servér lunka med is til. Snaddersnadder!