Fredag 24. Januar, 2003
Dei sju år gamle basketskoa mine skal no endeleg få nyte eit vel fortent tilvere som pensjonistar. Dei har lenge truga med å gå i stykker, og forrige veke sa dei endeleg takk for seg. Då hadde luftputa under framfoten på eine skoen byrja krype ut av eit hol i sålen.
No lurer de sikkert på kvifor eg har nytta desse skoa i så lang tid. Ein viktig grunn er at dei har vore dei beste skoa eg nokon gong har brukt. Basketskoa, som var av type Nike Air Flight LWP, sat som eit skot, var ekstremt lette og stabile. Eg prøvde faktisk å gå over til eit par andre sko for nokre år tilbake, men dei var tunge og langt frå så stabile som dei første.
Men no er det ingen veg attende og eit par enkle hallsko frå Asics (kjøpt på sal) har teke over ansvaret for beina mine.