Søndag 05. Januar, 2003
No er vi vel inne i det nye året. Og overgongen vart feira med stil. Etter å ha fått servert den eine årskavalkaden etter den andre, var det sikkert godt å få svidd av 200 millionar kroner — i fylla. 200 mill. kroner i fyrverkeri varer faktisk rimeleg lenge, om lag fire dagar, faktisk. For her i Bergen har ein halde på så lenge, to dagar før og to dagar etter nyttårsaften.
Så kom bakrusen: Fleire brannskader og nedbrente hus. Men som Victor B. Norman seier: Så lenge ein har glede av fyrverkeriet …
Dessutan har nyåret kunna by på auka busstakster, salg på gåvene ein kjøpte til jul og rekordtal på drepne i trafikken. Men vêret er i alle fall glimrande.
Vår nyttårsfeiring bestod av ein betre middag saman med vener, prat, spel og godt drikke, for så å gå ut i snøkavet i Bergen for å sjå på fyrverkeriet, medan vi skåla i sprudlande godsaker. Og så hadde vi stjerneskota våre.