Mandag 09. September, 2002
Er det verkeleg så vanskeleg å skrive nettsider i høve til gjeldande standardar?
Eg syns eg høyrer det: Er det så nøye då, så lenge det ser bra ut [i IE]?
No har det seg slik at ikkje alle sit med IE på datamaskina si. Svært mange, ja, men ikkje alle.
Og kva med nokre av dei viktigaste hjelpemidla på WWW, nemleg søkemotorane? Desse er ikkje som IE i det heile. Dei ser ikkje bilete, dei er «blinde». Det einaste søkemotorane kan lese er tekst. Difor er det viktig med tekst og tekst-alternativ til bileta. Dermed blir innhaldet i sidene òg leseleg og mogleg å søke gjennom.
Gåva til design-fantastane er CSS. Men det ser ut til at det har gått dei hus forbi.
Dette er eigentleg meir eit spørsmål om tilgjenge enn eit spørsmål om standardar, men lat gå. Det er i mine auge minst like viktig.
Eg støter stadig på sider som nyttar lenkjer som
eller startar med #
, lenkjer som blir ubrukelege i min nettlesar. Mest fordi min nettlesar ikkje er så god på akkurat det. No har eg heldigvis eit alternativ. Men dette kunne vore fiksa før sidene nådde min vanlege nettlesar, særleg om det berre er for å opne den lenkja sida i eit nytt vindauge.javascript:…
Ved å nytte onclick="" og andre hendingsstyrte attributtar kan ein fjerne
frå javascript:…href-attributtet. Men då treng vi jo
seier du kanskje no. Nei, skal du berre opne eit nytt vindauge, kan du i staden skrive adressa til sida du vil opne i #?href-attributtet. Dermed kan nettlesarar som ikkje støttar javascript likevel lese sida di. Dei nettlesarane som støttar javascript, prioriterer likevel dei hendingsstyrte attributta. Tipset er altså å alltid legge til adressa til den aktuelle sida, eller ei alternativ side i href.
Det skal forresten vere eit lite «lynkurs i heimesidesnekring» i regi av HiB på onsdag. Er litt spent på korleis det kjem til å arte seg.