Mandag 02. September, 2002
Om ein ikkje har noko i mot halvfabrikat, så kan nachos vere ein utruleg kjapp og enkel rett. Eg seier ikkje at ein må lage det av halvfabrikat eller at å lage nachos frå botnen av tek lang tid, for det har eg heller ikkje prøvd. Her følgjer oppskrifta vi nyttar.
Set først steikeplata på omlag 200 °C.
Brun kjøtdeigen og hell salsa-sausen over. Lat dette putre litt før du spreier blandinga utover ei langpanne eller eldfast form kledd med bakepapir. Fordel nachos-flaka over kjøtdeigen og strø riven ost over flaka.
Set langpanna (eller den eldfaste forma) i ovnen og gratinér til osten er gylden. Dette kan du servere med rømme, guacamole og litt jalapeños til.