Onsdag 14. August, 2002
Eg har fått nok av ignorante bilistar og dumme medsyklistar! Det irriterar meg noko så grenselaust når personar sosar rundt i gatene, utan å vite kva dei driv med.
I går heldt eg på å sykle på ein annan syklist, som av ein eller annan grunn ville sykle på sykkelbana på feil side av vegen (sin venstre side). Eg kom i om lag femti kilometer i timen i ein nedoverbakke, med ein bil på sida av meg. Kanskje ikkje like ille som dama som køyrde ei mil i motsett fil på E18 tidlegare i sommar, men skummelt nok. Uansett er det ikkje lov i høve til trafikkreglane paragraf 4 punkt 1.
I dag var det fleire bilar som stod parkert på rekke og rad i sykkelbana langs Nattlandsveien. Dette tvinga meg òg ut i den trafikkerte vegen, medan bilane stod uforstyrra , til trass for at trafikkreglane seier at stopp i sykkelfelt er forbode.
Ein dag heldt eg på å bli køyrd ned av ein kassebil, fordi sjåføren byrja å kutte ein høgresving og skjena inn sykkelfeltet i det eg skulle paaere. Det er farleg å ferdast i trafikken, men det hadde vore tryggare om alle kjende trafikkreglane.