Blank spot

Søndag 23. Juni, 2002

Følgjande tekst er henta i frå cd-omslaget (fritt omsett til nynorsk):

Big Odd Band vart starta i romjula 1994. Initiativ­takar var Odd Fossum, som i eigenskap av musikklærar i kommunene Nordal og Stranda, og dirigent for fleste­parten av korpsa i distriktet, følte eit sterkt behov for å tilføre eit annleis tilbod innanfor distriktet. Det var mange unge talent som berre venta på å få litt friare spelerom, og stor­band­musikken var svært populær hos desse musikantane.

Bandet vart starta som eit tilbod til musikantar i alders­gruppa 15 til 25 år og har hatt som føremål å auke interessa for jazzmusikk generelt, og stor­band­musikk spesielt. Medlemmane betalar ein kontingent, fastsett av leiar, for kvart skuleår. Snitt­alderen i dag er (1996) er 18,66 år, ikkje med­rekna Vidar Skogly og Odd Fossum. Bandet blir drive av Odd Fossum på ideologisk grunnlag, med symbolsk støtte frå musikk­skulane i Norddal og Stranda kommuner.

Bandet har, i dei åra det har eksistert, blitt eit populært og etter­spurd orkester i svært mange saman­hengar. Kommunene rundt Storfjorden har vore flinke og støtta opp økonomisk, og vi merkar stor velvilje hos både politikarar og folk flest.

Rekrutteringa ser no ut til å gå ganske bra. Vi har pågang av yngre ivrige musikantar som gjerne vil delta, så vi har tilpassa eit «aspirant­prosjekt» ved sidan av den daglege drifta. Førebels har «aspirantane» adgang på alle øvingar saman med resten av bandet, men dei får berre spele i konsertar ved fråver i den gruppa dei høyrer instrumentalt. Bandet møter til øvingarein del helger fordelt ut over året. Vi øver nokre gonger i Norddal, nokre gonger på Stranda og i Sykkylven. På den måten vert reise­utgiftene nokon­lunde fordelt på alle medlemmane.

CD: Brass Machine

Denne plata vart til fordi vi ikkje fekk tilgang på Molde Internasjonale Jazzfestival, noko som er «målet» for kvar sesong. Gjengen vart samla ei veke i juli på Stranda, og øvde nokre timar kvar kveld. Vi fekk med fleire av dei tidlegare medlemmane, som no var i militæret (Gardemusikken) eller på skule andre stader i landet.

Alle fekk «sine» låtar som dei spelte på plata. Dvs. at det kun var «standard-oppsett» som spelte på plata, sjlv om mann­skapet skiftar på dei ulike låtane. Dette gjeld særleg saxrekka, der mange har vore innom i den første tida bandet har eksistert. Vi er òg litt stolte av at pianisten Odd Johan Overøye ville spele med oss, og håper De får nyte den eminente piano­soloen hans på det aller siste kuttet på plata, «Day In, day Out», ei låt Odd Johan har arrangert sjølv!

Reportoiret på plata er forøvrig eit snitt av kva vi har drive på med desse åra, og mange vil nok kjenne att fleire av låtane frå konsertane våre. Vi har sjølvsagt òg spelt inn nokre nye låtar. Solistane på plata er dei same som har utvikla seg med bandet.

Det er alltid vanskeleg å prøve seg på kunsten å improvisere når ein ikkje har gjort dette før, men her får ein høyre mange av våre lokale musikarar i gode soloprestasjonar som det verkeleg står respekt av!

Musikarane

Desse tok del i plate­inn­spelinga (alderen i parantes er frå 1996):

• Musikalsk leiar, trompet:
  Odd Fossum
• Vokal:
  Turid Skarbø (19)
• Alt sax:
  Liv Urhamar (18)
  Kent Tandstad (17)
• Tenor sax:
  Sigurd Johan Saure (25)
  Kristoffer Erstad (16)
• Baryton sax:
  Per Magne Øvrebust (20)
• Trompet:
  Rune Jostein Eide (17)
  Ole Jørn Myklebust (19)
  Stian Omenås (16)
  Synnøve Solevågseide (19)
• Trombone:
  Ole Martin Bersås (16)
  Rune Løvoll (16)
  Peder Drege (18)
• Basstrombone:
  Jon Anders Lied (18)
• Gitar:
  Håkon Myklebust (26)
• Piano:
  Vidar Skogly (51)
• Bass:
  Helge Urhamar (18)
• Trommer & perk.:
  Christoffer Cena (18)
  Kurt André Tysnes (19)

Gjestemusikarar/solistar:

• Einar Otto Vangsnes - vokal
• Rune Bergmann - trompet/flügelhorn, tidl. medlem
• Ole Johan Overøye -piano
• Håvard Urhamar - alt-/sopransax, tidl. medlem
• Mari Skogly - alt-/tenorsax, tidl. medlem

Teknikar:

• Øyvind Driveklepp - Audio Design

Musikk

Forrige | Neste

---